პროდუქტები, რომლებიც ახალგაზრდობას გინარჩუნებთ



კანის მდგომარეობა პირდაპირ არის დამოკიდებული კვებაზე. თუ თქვენს კანზე ზრუნავთ და არ გინდათ, რომ ის ნაადრევად დაგიბერდეთ, ნაადრევად გაჩნდეს თქვენს სახეზე ნაოჭები, მაშინ გირჩევთ, ყურადღებით წაიკითხოთ ჩვენი სტატია და გაითვალისწინოთ.

1. რძის პროდუქტები, ცხიმის დაბალი შემცველობით, არაჩვეულებრივად ებრძვის ჩირქოვან გამონაყარს.

ვიტამინი A დიდ როლს თამაშობს კანის უჯრედების სწორად გავითარებაში. ამ ვიტამინს შეიცავს თითქმის ყველა ანტიასაკობრივი კრემი. თუმცა ყველაზე დიდი ეფექტი აქვს, როცა მას ბუნებრივი სახით იღებთ. ამ მხრივ ძალიან ეფექტურია სტაფილო, ბროკოლი, კომბოსტო და ისპანახი.

2. ორაგული

ორაგული ეფექტურად ებრძვის ნაოჭების წარმოქმნას და იცავს კანს დაბერებისგან. ის შეიცავს ისეთ ცხიმებსა და მჟავებს, რომლებიც აუცილებელია კანისთვის. ის აჯანსაღებს და აძლიერებს უჯრედებს. კანისთვის შეუცვლელ მჟავებს შეიცავს ნიგოზიც.

3. მწვანე ჩაი იცავს კანს მზის უარყოფითი ზემოქმედებისგან

მწვანე ჩაი ძალიან კარგად იცავს კანს მზის უარყოფითი ზემოქმედებისგან. ვინც სისტემატურად სვამს მწვანე ჩაის, ნაკლები რისკია, დაავადდეს კანის კიბოთი.

4. თინუსი – კანის ელასტიკურობა და ახალგაზრდობა

თინუსი შეიცავს ისეთ მკვებავ და სასარგებლო ნივთიერებებს, რომლებიც ხელს უწყობს კანის დაზიანებული უჯრედების აღდგენას.

5. ავოკადო კანის სიმკვრივისთვის

ავოკადო ბუნებრივი ცხიმების ერთ-ერთი საუკეთესო წყაროა. ის საუკეთესოდ იცავს კანის უჯრედებს და ხელს უშლის ნაოჭების წარმოქმნას. იმისთვის, რომ ცხიმები ბუნებრივად მიიღოთ, საუკეთესოა ზეითუნის ზეთი, ნუში და მიწის თხილის კარაქი.

6. მოხარშული პომიდორი – საუკეთესო დამცავი საშუალება

მოხარშული პომიდვრის მირთმევა საუკეთესოა იმისთვის, რომ მზის მავნე ზემოქმედებისგან დავიცვათ საკუთარი კანი. შეიცავს ლიკოპინს, რომელიც სწორედ ამ ფუნქციას ასრულებს. გარდა ამისა, მეცნიერები მიიჩნევენ, რომ ლიკოპინი კანის კიბოს კურნავს.

მზის მავნე ზემოქმედებისგან კანს იცავს ასევე ნუში.

7. ტკბილი კარტოფილი – ახალგაზრდა კანი

ტკბილი კარტოფილი ძალიან მდიდარია c ვიტამინით, რომელიც ხელს უწყობს კალოგენებისა და ცილების ზრდას. სწორედ ისინი უწყობენ ხელს იმას, რომ კანი ახალგაზრდად გამოიყურებოდეს და იყოს სუფთა. მიირთვით ასევე ციტრუსი და სტაფილო.

8. მოცვი

მოცვი დადებითად მოქმედებს კანზე. მას აქვს ანთების საწინააღმდეგო და ანტიოქსიდანტური მოქმედება.ძალიან კარგია აგრეთვე მარწყვი.

გახსოვდეთ, რომ კვება თქვენს სახის კანზე აისახება.

შორენა თარაშვილი

ჟურნალი "... და ქალი"


































ტექსტის სანახავად გაიარეთ რეგისტრაცია.